Rudiņs zīdeņi

***

Muna volūda – nalela sūma.

Divim kukuleišim i vīnai golvai.

Cyti sapierk vysu iz nedeli,

A mes kotru dīnu iz veikalu.

Muna volūda palīk boltuoka.

Vairuok kriejuma līkom zupā.

Redzieju kai mozeņš bierneņš

Īlyka karūti i čajā.

Muna volūda – vairuok nikas.

Ar sovu kači es taidā runoju.

Kod sirdei palīk pavysam solts

Es ar taidu cepli kurynoju.

***

Okcabra suokumā sīnuoži dzīd

Pi nūplāstu runkuļu kaudzem.

Ite vosorā mes pysomīs

Ar Ilonu, i ar tevim.Tev peizda beja pylna ar zemi

Kas iztecēja uorā nu manim.

Voi nu muola, voi nu smiļktim

Byus myusejī dāli.

***

Vakar nūlasieju sovu Nobeļa lekceju.

Publika nasaprota nivīna vuorda.

Vīns aizkūde ar šprotim, ūtrs ar persiku,

A meitinis tai i naizleida uorā nu muorka.

Vardivis jau daroda pi itim čudikim.

Reit svinēsim Baļzaka dzimšonys dīnu.

Taurini jau nasabeist nu skaļuos muzykys.

A peilem to kas – reit juos liduos iz Kīnu

/Valentīns Lukaševičs/